ከሞት የተመለሰች ያህል የተቆጠረችው ውሻ Featured

13 Feb 2018

አነጋገሩ በቀጥታ ለውሻ ባይሰራም ‹‹ውሻ በላበት ይጮኸል‹‹ ሲባል ይደመጣል፡፡ ለቅልውጥ የሄደበት ቤት ከተመቸው በዚያው ሊቀር የሚችልበት ሁኔታ ሊኖር እንደሚችል ለማመልከት ነው፡፡ አንዳንዶች ደግሞ ውሻ እና ድመት አርቀው ቢጥሏቸውም ይቆዩ ይሆናል እንጂ ቤታቸውን ሳይረሱ ሊመለሱ ይችላሉ ይላሉ፡፡

ስካይ ኒውስ ሰሞኑን ያስነበበው ዘገባ እንዳመለከተው አንዲት ውሻ ከጠፋች ከ10 አመት በሁዋላ ወደ ቤቷ ተመልሳለች፡፡ ባለቤቶቿ የዋሻዋን መመለስ ከሞት የመመለስ ያህል ቆጥረውታል፡፡ አቢ ይተሰኘችው ይህች ውሻ በጥሩ ይዞታ ላይ እንደነበረች ሁኔታዋ እንደሚያመለክትም ተጠቁሟል፡፡ ባለቤቷ ውሻዋ በጥሩ ሁኔታ ስተቀለብ እንዲሁም ጤናዋም ሲጠበቅ የነበረ በማለት ተናግረዋል፡፡
የውሻዋ ባለቤት ዴብራ ሱዬርቬልድ እንደተናገረችው፤ ፔንሳልቫኒያ አፖሎ ከሚገኘው ቤቷ እንደወጣች በቀረችው ውሻዋ መጥፋት በእጅጉ አዝና ነበር ፡፡ ውሻዋ በቆዳዋ ውስጥ ማይክሮ ቺፕ የተቀመጣላት ስትሆን፣ይሁንና የደረሰችበት ሳይታወቅ ለአስር አመታት ቆይታለች፡፡
ሰሞኑን ወደ ከቀድሞ ቤቷ 10 ማይል ርቀት ላይ ስትዘዋወር መገኘቷን ባለቤቷ ተናግራ ፣በአካባቢው የሚገኙ የእንስሳት ተንከባከቢዎች የውሻዋን ቺፕ በመመልከት ለባለቤቷ ማስረከባቸውን አስታውቃለች፡፡ ውሻዋን ያገኘችው ሱዬርቬልድ ለትሪዩቡን ሪቪው ‹‹ ውሻዬ ከሞት የተመለሰች ያህል ተሰምቶ ኛል፤የጠፋች ጊዜ በእጅጉ አዝነን ነበር ›› ስትል ተናግራለች፡፡ውሻዋ ስሟን እንኳ እንዳልረሳችም ጭምር ተናግራለች፡፡
ይህች ጥቁር ውሻ በጥሩ ሁኔታ ላይ እንደምትገኝና የት አካባቢ ተሰውራ እንደኖረች እስከ አሁንም የታወቀ ነገር እንደሌለ ዘገባው ያመለክታል፡፡ ባለቤቷ ግን ውሻዋ ጥሩ ተንከባካቢ እንደነበራት ከሁኔታዋ መረዳቷን ተናግራለች፡፡

በጋዜጣው ሪፖርተር

ማህበራዊ ድረገፃችንን ይጎብኙ

 

            በኢትዮጵያ ውስጥ የተገነባው የመጀመሪያው ኦፐሬቲንግ ሲስተም ኢትዮኑክስ ስርጭት ላለፉት 8 ዓመታት (1999-2007 ..) በኢትዮጵያ ፕሬስ ድርጅት፣ በኢትዮጵያ ዜና አገልግሎት ላለፍት 2 ዓመታት እንዲሁም በኢትዮጵያ ገቢዎችና ጉምሩክ ባለሥልጣን ወርሃዊ ጋዜጣ ላይ ላለፈው 1 ዓመት በተግባር ተሞክሮ ሥራ ላይ ውሏል። ይህ ድረገጽ በኢትዮኑክስ ኦፐሬቲንግ ሲስተም ላይ ተገንብቶ የሚሰራ ነው።