ሻምፒዮንስ ሊግ ዛሬና ነገ ምሽት በታላላቅ ጨዋታዎች ይመለሳል

13 Feb 2018

የስፔኑን ጠንካራ ክለብ አትሌቲኮ ማድሪድንና የጀርመኑን ቦርሽያ ዶርትሙንድን በምድብ ማጣሪያዎች ወደ ዩሮፓ ሊግ ያወረደና በምድብ ማጣሪያ ከነበሩ 32ክለቦች 16ቱን ያሰናበተው የአውሮፓ ሻምፒዮንስ ሊግ ከሁለት ወር በኋላ ዛሬና ነገ ጠንካራ የጥሎ ማለፍ ጨዋታዎችን ያስተናግዳል።በጥሎ ማለፉ ከሚገኙት 16 ክለቦች ስምንቱ ዛሬና ነገ ሲፋለሙ የቼልሲና ባርሴሎናን ጨዋታ ጨምሮ ቀሪ ስምንት ክለቦች የሚያደርጉት ጨዋታ በመጪዎቹ ማክሰኞና ረቡዕ ይካሄዳሉ።

ዛሬ ምሽት አራት ሰዓት ከ45 የእንግሊዝ ፕሪሚየር ሊግ መሪው ማንቸስተር ሲቲ ወደ ስውዘርላንድ በማቅናት ባዜልን ይገጥማል። የጣልያን ሴሪኤ ሻምፒዮን ጁቬንቱስ በሜዳው የሰሜን ለንደኑን ክለብ ቶተንሃምን ያስተናግ ዳል።
ረቡዕ ምሽት በተመሳሳይ ሰዓት በጥሎ ማለፉ ትልቅ ግምት የተሰጠው ሪያል ማድሪድና ፓሪስ ሴንት ዤርሜይን የሚያደ ርጉት ጨዋታ በግዙፉ የሪያል ማድሪድ ስታድዬም ሳንቲያጎ በርናባው ይካሄዳል።በሌላ የምሽቱ መርሐ-ግብር ሊቨርፑል ወደ ፖርቹጋል ተጉዞ ከፖርቶ ጋር ይጫወታል።

በሪሁ ብርሃነ

ማህበራዊ ድረገፃችንን ይጎብኙ

 

            በኢትዮጵያ ውስጥ የተገነባው የመጀመሪያው ኦፐሬቲንግ ሲስተም ኢትዮኑክስ ስርጭት ላለፉት 8 ዓመታት (1999-2007 ..) በኢትዮጵያ ፕሬስ ድርጅት፣ በኢትዮጵያ ዜና አገልግሎት ላለፍት 2 ዓመታት እንዲሁም በኢትዮጵያ ገቢዎችና ጉምሩክ ባለሥልጣን ወርሃዊ ጋዜጣ ላይ ላለፈው 1 ዓመት በተግባር ተሞክሮ ሥራ ላይ ውሏል። ይህ ድረገጽ በኢትዮኑክስ ኦፐሬቲንግ ሲስተም ላይ ተገንብቶ የሚሰራ ነው።